Automarket of Mongolia

 Стартап бүр оролцууштай “Founder Institute” хөтөлбөрийн тухай 5 асуулт + хариулт

https://unread.today/c/founder-institute-mongolia

Дэлхийн хамгийн том "pre-seed accelerator" буюу анхан шатны хурдасгуур хөтөлбөр “Founder Institute” Монголд нэвтэрлээ. “Founder Institute”-ийнхэн ирээдүйтэй стартап, баг хамт олныг шаардлагатай хөрөнгө оруулагч, менторуудтай нь холбож, тусгайлан боловсруулсан, шалгарсан аргачлалаар хөрөнгө оруулалт босголцох юм. Эл хөтөлбөрийн эхний ээлж Монголд тавдугаар сарын 18-наас наймдугаар сарын 31-нд хэрэгжих нь. “Mongolia Virtual 2021 Founder Institute”-ийн тухай таван асуулт, хариултыг хүргэе.

1. ХААНААС ЭХТЭЙ ХӨТӨЛБӨР ВЭ? 

2009 оноос хойш дэлхийн 90 улсын 200 гаруй хотод хэрэгжиж, хэд хэдэн “tech unicorn” бий болгож чадсан эл хөтөлбөрийг энтрепренер Адэо Ресси, Жонатан Грийчан нар бий болгожээ. Тэд 2009 оны тавдугаар сард Стэнфордын их сургуулийн жижигхэн тасалгаанд эхлүүлэхдээ хөтөлбөр нь Цахиурын хөндийгөөс цааш дэлгэрнэ гэж огтхон ч төсөөлөөгүй аж. Харин өдгөө “Founder Institute” 4500 гаруй компанид 950 гаруй сая ам.доллар босголцсон, олон улсын хамгийн том худасгуур хөтөлбөр болтлоо өргөжөөд буй. Хөтөлбөрт нь хамрагдсан нийт гарааны бизнесүүдийн үнэлгээ 30 тэрбум ам.доллар давжээ. 

2. ХЭН ОРОЛЦОХ ВЭ? 

Хөтөлбөрт дунджаар 30-аад насныхан оролцдог бөгөөд ихэвчлэн бизнесийн салбарын, баг удирдсан туршлагатай залуус байдаг аж. Үүсгэн байгуулагч болох хүсэл мөрөөдөлтэй, эсхүл анхан шатны бүтээгдэхүүнээ борлуулж эхлээд удаагүй хүмүүс оролцож, 14 долоо хоногийн дараа санаа нь амжилт олох хэр боломжтой, орлогын, бизнес загвар нь ямар байх вэ гэдгийг тодорхойлоод, стартапаа дэлхийн жишгийн дагуу байгуулаад гардаг. Бодит үр дүнд хүрээд хөтөлбөрөө өндөрлөнө гэсэн үг.

3. ЯАГААД ОРОЛЦОНО ГЭЖ? 

“Founder Institute” хөтөлбөрт хамрагдах нь дараах ач холбогдолтой:

Олон улсын туршлагатай бизнесмэн, хөрөнгө оруулагчдад стратегиа танилцуулж, зөвлөгөө авах, хөрөнгө босгох боломж. Тус хөтөлбөрт хамрагдсан гарааны бизнесүүдийн 50 хувь нь хөрөнгө оруулалтын сан, венч сан зэрэг институцээс санхүүжилт авч чаддаг. Тухайлбал, Вьетнамын "Founder Insititute" жилд 30-40 стартап төгсгөдөг нь тус улсын хэмжээнд анхан шатны хөрөнгө оруулалтаа босгож чадсан нийт гарааны бизнесүүдийн 30 хувийг бүрдүүлдэг аж.

Нэр хүндтэй хөтөлбөр тул олон улсад бизнесээ танилцуулах, хөрөнгө оруулалт татахад нэмэр болно.

Үйл ажиллагаагаа хөгжүүлэх шат дараалал, дараагийн алхмаа оновчтой тодорхойлж, үргүй зардал гаргахаас сэргийлэх, оновчтой шийдвэр гаргахад суралцана.

Өнгөрсөн 12 жилийн хугацаанд эл хөтөлбөрт оролцсон 4500 гаруй компани, 18 мянга гаруй ментортой холбоо тогтооно.

Эцэст нь:

Оролцогчид анхан шатны хөтөлбөрийн дараа “Founder Lab” буюу төгсөгчдөд зориулсан, удаах шатны хөтөлбөрт хамрагдах боломжтой. "Founder Lab" нь гарааны бизнесүүдэд "seed" санхүүжилт босгоход тусалдаг виртуал зөвлөх хөтөлбөр юм. Гурван сарын хугацаатай хөтөлбөрийн туршид оролцогчид өөрсдийнхөө "pitch" материалыг сайжруулах, хөрөнгө оруулагчдаа олох, "angel" хөрөнгө оруулагч нартай уулзах, гэрээний нөхцөлүүдийг хэлэлцэж сурах гэх мэт зүйлсийг сурч авах боломжтой.

4. ЯАЖ ОРОЛЦОХ ВЭ? 

БҮРТГҮҮЛЭХ

https://fi.co/support

Mongolia Virtual 2021 Founder Institute

Дээрх холбоосоор орж асуумж бөглөөрэй. Асуумжаа бөглөсөн бол “Founder Institute”-ээс судлаачтай хамтран 11 жилийн турш судалж боловсруулсан “Энтрепренеруудын ДНХ” тестийг бөглөж, байгууллагынхаа хэв шинжийг тодорхойлох юм. Бүртгүүлэх үйл явц амжилттай болсон бол төлбөрөө төлөөд хөтөлбөрөө хүлээнэ. Нийт өргөдөл өгөх хүмүүсийн дунджаар 50 хувь нь хөтөлбөрт шалгардаг аж.

Гарааны бизнесийнхээ хөгжлийг түргэсгэмээр байгаа хэн боловч ирэх сарын 2-ноос өмнө амжиж тус хөтөлбөрт бүртгүүлээрэй. Бүртгэлийн хугацаа дуусаагүй байхад шалгаруулалтаа эхлүүлчихдэг тул хэдий эрт материалаа бүрдүүлж өгнө, төдий чинээ сайн гэнэ.

5. МЕНТОР НЬ ХЭН БЭ? 

Монголын гарааны болон томоохон 30 гаруй байгууллагын үүсгэн байгуулагч, захирлууд ментороор оролцохоо илэрхийлээд буй. Үүнд:

"Matter Group"-ийн үүсгэн байгуулагч, технологи хариуцсан захирал М.Баттүшиг

"КITE Mongolia"-ийн үүсгэн байгуулагч, Голомт банкны ТУЗ-ийн гишүүн Л.Болормаа

"TomYo"-ийн үүсгэн байгуулагч В.Баярсайхан

"Shoppy"-ийн үүсгэн байгуулагч Ц.Мэндбаяр

"UB Cab"-ийн гүйцэтгэх захирал Н.Отгонбаяр

"Erxes"-ийн үүсгэн байгуулагч, гүйцэтгэх захирал А.Мэнд-Орших

"Premium Group"-ийн үүсгэн байгуулагч, ТУЗ-ийн дарга А.Ганхуяг

"Mongolian Aircraft Industries"-ийн үүсгэн байгуулагч, гүйцэтгэх захирал Н.Наранбат

Харилцаа холбоо, мэдээллийн технологийн газрын дарга Б.Болор-Эрдэнэ

"Таван богд групп"-ийн тэргүүн дэд ерөнхийлөгч Д.Хулан

"GrapeCity Mongolia"-ийн үүсгэн байгуулагч, ТУЗ-ийн дарга А.Сүхдорж

"Petrovis Venture Capital"-ийн гүйцэтгэх захирал Б.Шинэзаяа

"Techstars"-ийн ахлах захирал Д.Бат-Октябрь

"Mongol iD"-ийн үүсгэн байгуулагч, ТУЗ-ийн дарга М.Халиунбат

https://fi.co/insight/first-ever-founder-institute-mongolia-virtual-2021-accelerator-applications-open-let-s-rebuild-in-2021

This is the time to rebuild: the world needs entrepreneurs, perhaps now more than ever, to lead the way in creating a brighter future for all.

As a result, the Founder Institute, the world’s largest pre-seed startup accelerator, is excited to announce that it is officially launching its newest chapter in Mongolia. While the Silicon-Valley based program has chapters in over 200 cities worldwide, early-stage entrepreneurs in Mongolia can finally now take advantage of the Founder Institute's renowned structure, mentor support, and network to build an enduring company that can survive and thrive in this “new normal.”

Applications to the first ever Mongolia Founder Institute are now open, and anyone interested in building an impactful technology company can apply at FI.co/apply/ulaanbaatar. 

The Founder Institute provides high-potential entrepreneurs and teams with the support network and structured growth process needed to get to traction and funding, and build something that matters. So whether you already have a business or are still in the idea-phase, now is the time to act. 

Since 2009, the Founder Institute has helped over  5,000 Alumni raise over $975M funding, get into seed-accelerators, generate traction, recruit a team, build a product, transition from employee to entrepreneur, and more (see the FI 10 Year Impact Report here).

To celebrate the launch, the Founder Institute will host several free online startup events in Mongolia, where you can learn from top entrepreneurs and hear more about the program from the comfort of your home:

• See all upcoming events

Жилд технологийн 20 гарааны бизнесийг босголцоно хэмээн зорьж буй тус хөтөлбөрийг Ч.Мэргэн (Exponential Partners), Г.Гэрэлмаа (Exponential Partners), А.Азбаяр (SCC) нар удирдан зохион байгуулах аж. Энэ удаагийн хөтөлбөр дан цахим хэлбэрээр хэрэгжих бөгөөд шалгараагүй стартапууд болон сонирхогчид үнэгүй цахим семинаруудад орох боломжтой. Тус арга хэмжээг "Премиум групп", "Петровис", "Шунхлай" компаниуд ивээн тэтгэж буй.

---------------------------------------------------------------------------------------------------------------------------

Mcchrystal-Academy

https://www.mcchrystalgroup.com/services/mcchrystal-academy/